百年火車卡313號 登陸鐵路博物館 最大型陸路運送文物過程全覽 【短片】

【明報專訊】香港鐵路博物館最新展出本港碩果僅存、有近百年歷史嘅九鐵313號蒸汽火車車卡。文物修復辦事處話,313號火車卡用咗約一年修復,之後沿陸路運送至大埔,形容係博物館歷來最大型嘅陸路運送文物項目。

香港鐵路博物館313號火車卡
百年火車卡313號 登陸鐵路博物館 最大型陸路運送文物過程全覽 【短片】
 313號火車卡(政府新聞網)


鐵路博物館最大型陸路運送文物

百年火車卡313號 登陸鐵路博物館 最大型陸路運送文物過程全覽 【短片】
有近百年歷史嘅九鐵313號蒸汽火車車卡,經過一年修復後終於恢復昔日風采,經陸路運到大埔香港鐵路博物館永久展出。(政府新聞處)

313號火車卡喺1921年投入服務,屬三等車卡,主要行駛尖沙嘴至羅湖段。九廣鐵路1980年代初全面電氣化後,313號正式退役。九鐵1989年將313號火車卡捐贈市政局,喺尖沙嘴科學館公園展出,但後來要興建歷史博物館,車卡被運往茶果嶺路邊擺放10幾年,日曬雨淋下,車卡日久失修,出現鏽蝕同損毀。政府2017年申請撥款修復車卡,涉600萬元。


見證火車由蒸汽到電氣

百年火車卡313號 登陸鐵路博物館 最大型陸路運送文物過程全覽 【短片】
文物修復辦事處館長謝志遠話,由於313號火車卡體型龐大,運送期間要步步為營,尤其鐵路博物館前嘅一段狹窄小路,係運送過程之中最大挑戰。(政府新聞處)

文物修復辦事處館長謝志遠話,313號火車卡係香港車齡第二高嘅火車卡,為回復昔日風采,車卡運到有維修大型鐵器文物經驗嘅長沙灣船廠修復,包括去除鏽蝕、重新塗上油漆、修補損毀部分等。車卡長近20米,高近5米,重達32噸,幾乎等於兩架雙層巴士,佢哋決定沿陸路運送車卡到大埔鐵路博物館,為安全起見運送路程放棄隧道,取道青葵公路、屯門公路、新田公路等再到大埔,全長約60公里;最後車卡通宵運送到鐵路博物館,安放喺展覽位置永久展出。

文化博物館一級助理館長曾志雄話,313號火車卡滿載港人回憶,見證由蒸汽機車帶動車卡,再由柴油推動兩個年代,到1980年代初313號完成歷史任務退役,相信唔少老一輩港人都坐過同類型嘅車卡。