【請食飯】感謝醫護人員守護港人健康 Uber Eats和醫管局合作 免費餐點添力量

【明報專訊】新冠肺炎疫情下，一班醫護人員辛苦抗疫，唔少餐廳都提供特價優惠，以表達感激之情。Uber噚日公布，為咗感謝醫護人員守護每個香港人嘅健康，Uber Eats同醫管局合作，平台上6400間合作餐廳，會為醫管局7間醫院聯網主要急症醫院嘅員工，提供4.4萬份免費餐點，希望喺醫護無私奉獻嘅同時，都可以略盡綿力、為醫護喺繁重工作中加添力量。

 

 

送社福機構萬次乘車配額

此外，有見近日社福機構營運難免面對難關，但仍要協助受眾前往工作、醫院等，Uber都向香港社福機構提供1萬次免費行程，以支持佢哋服務、確保殘疾人士同長者喺疫情下都能夠出行。所有服務殘疾人士、長者及其他有需要人士嘅社福機構，都可以電郵或去Uber網站，為受眾申請免費嘅乘車配額。

了解更多： https://www.uber.com/zh-HK/newsroom/mwm-free-meals-rides-zh/