【與毛孩同樂】周六起增設逾30個寵物共享公園 遍及全港16區

【明報專訊】唔少寵物主人都希望毛孩可以出街唞吓氣，康文署噚日宣布，聽日（周六）起多區會增設逾30個「寵物共享公園」，開放畀市民攜同寵物入內。公園分佈港九新界，康文署話，當中超過10個場地位於海濱長廊或者附近公園，可以為海濱注入朝氣同活力；市民使用時，記住要用帶或繩牽引寵物、妥善管束，以免滋擾他人，亦要清理寵物排泄物，保持場地清潔衛生。

10個DIY創意寵物玩具 室內都玩得開心

新增嘅寵物共享公園地點都算方便，例如中環區海濱長廊嘅中環段、香港仔海濱公園、牛池灣村遊樂場同休憩處、青衣海濱公園海欣花園段、白石角海濱長廊沙田段、西貢福民花園等，開放後全港有16個區設有寵物共享公園。

康文署發言人話，寵物共享公園概念係將現有公園開放畀市民攜同寵物共享，選擇場地時會考慮各項條件，包括市民需求、場地面積、配套設施等，康文署亦會提供狗糞收集箱、洗手設施等配套，並加強場地清潔。如果反應理想，會考慮開放更多場地畀寵物進入。

寵物共享公園地址