二手商品|年輕人更傾向購買二手商品 支持循環經濟 不同年齡層二手購物模式偏好各異【附各年齡層熱搜詞首3名】

【明報專訊】港人嘅環保意識不斷提高,近年較願意接受二手商品。二手買賣平台Carousell公布最新數據,原來喺過去兩年,平台整體用戶在香港市場搜尋二手商品次數,按年升近五成;單計2021年,18歲以下用戶嘅二手商品搜尋次數按年升1倍,反映年輕人似乎更傾向購買二手商品,支持循環經濟。

Carousell仲分析咗唔同年齡層嘅二手購物模式,發現大家各有偏好。首先,興趣同遊戲係所有年齡組別搜尋次數最多嘅二手商品類別,女裝同男裝緊隨其後。18至24歲用戶最常搜尋嘅二手商品係遊戲機,任天堂Switch、PS4同PS5列首3名。

至於年紀較大嘅用戶,就最鍾意搜尋二手收藏品,54歲以上用戶最熱門搜尋關鍵字喺「迪士尼」;25至34歲用戶最常搜尋係「Bearbrick」。35至44歲用戶嘅年齡層,唔知係咪較注重身體健康,「單車」喺熱門搜尋關鍵字排行榜佔第二名,而且需求更持續上升。


email:piano@mingpao.com

[小琴密語]


延伸閱讀:全球熱搜腕表首5位原來是…二手腕表平台覓心頭好