張敬軒出席Jil Sander香港首間專門店開幕活動 新生代演員楊天宇鍾雪瑩撐場
Jil Sander專門店Elements開幕
張敬軒上月剛到澳洲開演唱會，12月又到澳門演出，之前又要出席Jil Sander 香港首間專門店開幕活動，忙到不可開交。Jil Sander香港首間專門店日前正式開幕，佔地 1,506平方呎，新店坐落Elements，圓形空間參照博物館的建築風格。品牌以極簡純粹的設計為主，創意總監Lucie及Luke Meier以高訂服裝面料及工藝與街頭元素巧妙結合。
張敬軒自言Jil Sander粉絲 愛簡約利落
張敬軒一直是其品牌粉絲，身穿絲質上衣配背後印有Jil Sander logo的風褸，表示對於新店開幕期待而久。「我等咗Jil Sander開舖好耐啦！一直鍾意個brand簡約利落嘅剪裁，簡單得嚟又注重手工同質料。個個都知我好注重衣著細節同不同場合嘅著衣風格，佢哋仲有個7日裇衫系列，啱曬我。我今日入手咗呢個毛毛水桶袋，會帶埋去澳門開演唱會。」
對於為叱咤拉票，張敬軒指出：「因為我啲粉絲好支持我，所以我都想試下拉票，如果可以上台就最好啦！同埋今次拉票嘅過程都好開心，可以同大家傾下偈，經過今次派傳單嘅經歷，令我以後會接傳單，因為我以前社恐所以唔接，但今次見到有個妹妹喺宣傳嘅時候遞傳單俾人，但人哋就咁行過，我覺得好傷心又感動，人哋都唔怕面懵我又點可以呢！」
楊天宇：造型有驚喜 愛拉鏈細節
演員楊天宇以全黑型格造型出席開幕：「我今日個造型好有驚喜，我鍾意啲拉鏈細節，有啲90年代感覺。」被問到對於新戲《爆裂點》中裸露有何感覺，楊天宇表示：「我可以露嘅都露晒啦！上半身囉，露埋下半身我未過到自己個關，可能要再做下gym先。」
鍾雪瑩：熒光綠同黑色大褸好夾
擁有填詞、DJ和演員等多個身份，鍾雪瑩表示：「估唔到熒光綠同黑色大褸可以咁夾，件褸仲用左針氈，一下一下打個pattern出嚟。Jil Sander想鼓勵大家勇於作新嘗試，製造驚喜，我都希望做到呢個效果。」
