生活煮意Power Up!王子教你煮3道升級版家常菜式 至適合不同場合

香港人生活忙碌,日常上班工作、照顧家庭已佔去大部份時間,入廚漸變困難。今次《王子煮場》就和大家分享三道精選菜式,由新鮮醬料為先的「秘製蔥蓉蒸東星斑」、10分鐘有得食的至快輕盈「Green Monday牛油果冷麵」,以及善用食材又上得廳堂、見得客人的「龍蝦湯爆爆飯」,適合不同場合之餘,亦為家常菜式注入新力量。王子亦將多款拿手好菜結集為書「王子的88道拿手菜」,為你帶來源源不斷的新煮意!

Presented by: WAW Creation

編輯:J Lee


升級版家常便飯 小家庭簡易惹味攻略

家常便飯不外乎三餸一湯,想為日常料理升級,醬料亦擔任重要角色。除了鑽研廚藝外,王子亦會製作自家薑蔥蓉、辣椒醬,趕時間快手蒸餸後加入,節省時間亦不減風味。週末想同家人食好啲?不妨跟王子學做蔥蓉蒸東星斑,有新鮮東星斑塊、配合王子秘製的足料蔥蓉、索汁一流的新鮮粉皮,香氣四溢但做法簡單、材料亦經濟實惠,至適合小家庭!

生活煮意Power Up!王子教你煮3道升級版家常菜式 至適合不同場合

秘製蔥蓉蒸東星斑

材料:東星班、 新鮮粉皮、 王子秘製薑蓉、薑蔥蓉

生活煮意Power Up!王子教你煮3道升級版家常菜式 至適合不同場合

步驟:

1:東星斑切塊後徹底沖水,用廚房紙巾印乾

2:加入生粉、鹽、胡椒粉、生油拌勻

3:加入秘製薑蔥蓉拌勻後, 醃30分鐘

4:準備粉皮鋪碟,放上東星斑蒸6分鐘後,灒上滾油

5:完成!

王子貼士:想更好味,可以將粉皮改為荷葉,香氣十足!買魚的時候,可以找魚販將原條東星斑切成斑塊,節省時間!

即睇完整食譜:【王子煮場】冬至食好餸:秘製蔥油蒸東星斑 x 獨家秘製薑蔥醬 簡單惹味至啱做冬


WFH有食神?10分鐘快靚正之選

經歷年多的疫情,大家都習慣了在家工作、學習的日子。但來到期待的午餐時段,想開火煮飯有食神,又要金睛火眼抓緊時間,會感到分身不暇。想快靚正又健康?不如跟王子學做 Green Monday 牛油果冷麵,5-10分鐘內有得食。節省時間之餘,亦能夠食到有營健康好味道!

生活煮意Power Up!王子教你煮3道升級版家常菜式 至適合不同場合

Green Monday牛油果冷麵

材料:車厘茄、擔仔麵、牛油果、薄荷葉

醬料:奶、日本醬油、青芥末、黑椒粉、橄欖油、芝麻

生活煮意Power Up!王子教你煮3道升級版家常菜式 至適合不同場合

步驟:

1:準備冷麵

2:車厘茄、牛油果對半切片。

3:將牛油果及其他調味料放入攪拌機打成醬

4:拌勻

王子貼士:

秉承惜食好習慣,大家可以用食剩的麵。亦可以快手煲水淥麵,放進冰水中降溫,保持爽脆口感。

選擇軟熟的牛油果,可以憑外皮、觸感、觀察頂蒂開始:深綠色頂蒂,身呈深綠色至紫棕色,用手按壓時會感到有彈性,就是一顆狀態完美的牛油果

即睇完整食譜:【王子煮場】Green Monday牛油果冷麵 5分鐘高速即食


驚喜靚料來襲!招呼朋友、請客必學菜式

生活煮意Power Up!王子教你煮3道升級版家常菜式 至適合不同場合

親朋好友來訪,想令大家WOW出聲,上乘食材、廚藝功夫缺一不可!惜食又識食的王子利用蘊含滋味的龍蝦殼,加入脆炸爆米,創造出一味食落令人驚嘆的龍蝦湯爆爆飯。另外,王子亦從老字號海味世家「海生行」找來高質青邊鮑魚,配上松茸等煮成營養靚湯,令賓客眼前一亮!

香脆惹味 龍蝦湯爆爆飯

材料:

龍蝦湯:龍蝦殼、上湯、清水、草菇、帶子、唐芹、芫荽、薑蔥、胡椒粉

爆爆飯 :生米、白飯

生活煮意Power Up!王子教你煮3道升級版家常菜式 至適合不同場合

步驟:

1:滾油炸飯至脆米、滾油爆香薑片、龍蝦殼;加水、上湯,中大火煮45分鐘。

2:草菇汆水、帶子、芫荽、蔥切粒;加入生米煮泡飯。

3:加入帶子、芫荽、蔥粒稍煮;灑上唐芹、胡椒粉調味。

4﹕加入香口爆爆飯

生活煮意Power Up!王子教你煮3道升級版家常菜式 至適合不同場合

王子貼士:

一貫王子珍惜食材的烹飪哲學,採用龍蝦殼熬湯,好味之餘亦不會浪費食材。

食炸脆米爆爆飯要睇時機?準備上碟的時候先倒入湯,保持香脆口感!

即睇完整食譜:【王子煮場】有聲!惜食系列 龍蝦湯爆爆飯 脆米配濃湯 輕脆惹味入口即爆


同場加映:青邊鮑魚松茸煲雞湯

生活煮意Power Up!王子教你煮3道升級版家常菜式 至適合不同場合

材料

冰鮮澳洲野生青邊鮑魚 250g雞 一斤半/約900g
豬展 400g金華火腿 50g
花菇 40g松茸 25g
蒽、薑片、米酒 適量水 4至5L
生活煮意Power Up!王子教你煮3道升級版家常菜式 至適合不同場合

步驟:

1﹕煲滾水,等青邊鮑完全解凍;用牙刷、生粉刷走髒物

2﹕用薑蔥、米酒將雞、豬肉汆水

3:準備凍清水,依次序放入肉、浸菇水

4:滾起後放入青邊鮑、花菇松茸,滾15-20分鐘

5:細火煲3小時

王子貼士:

徹底浸腍花菇、松茸精華!保留浸菇水!

青邊鮑魚要完全解凍才開始煮,否則煮不出鮑魚的味道。

即睇完整食譜:【2021農曆新年:王子煮場 x 海生行 】賀年煮鮑魚/花膠/海參料理 巧用急凍海味 簡易煮出應節佳餚(多片多圖)


Author Bio:

王子  (Instagram: GWZfood)

食飲愛好者,放洋英國,食貫中西,從大學開始產生對美食的熱情,閒時喜愛穿梭大街小巷選購食材,並在窩居內親自下廚,烹飪手法簡潔俐落,絕無浪費。他的美食之旅,多彩又多姿。

gwz Fastidious and meticulous aiming for “Perfection at your palate”. Passionately homemade in Hong Kong.