優惠情報丨數碼通新月費計劃 送迪士尼門票 任用Zoom和Teams

【明報專訊】數碼通又出招搶客,噚日數碼通推出限時優惠,只要新客或指定現有客戶續約或升級選用指定的5G月費計劃,就會送出多達4張香港迪士尼樂園門票!

數碼通今次認真識玩,臨近暑假喺推新月費計劃時送迪士尼樂園門票,相信會吸引到唔少爹哋媽咪級的用家,事關就算按𠵱家樂園四人同行的優惠計,四張普通門票都要超過1440元,今次上台或續約送飛,似乎都幾吸引。


四人同行門票價值超過1440元

講番個月費計劃,想拎足4張迪士尼門票,新客戶或指定客戶係要選用每月398元、數據用量100GB嘅5G SIM only月費計劃,328元數據用量35GB嘅月費計劃就會送2張,兩個計劃都已包括「FREE住傾」服務,免數據任用ZoomTeams視像通話,仲有其他指定的4.5G上台服務計劃都會送2張門票。

不過都係嗰句,門票數量有限,想拎免費門票的爹哋媽咪有買趁手啦!