動植物公園150歲！11.6黃昏音樂會免費入場 門票先到先得！

【明報專訊】香港動植物公園成立一個半世紀，​康文署喺今日（6日）為公園舉行150周年慶典啓動禮暨黃昏音樂會慶祝，並展現公園喺「市中森，自然共生」新品牌主題下嘅嶄新形象。啓動禮暨黃昏音樂會會喺今日下午4點半至6點喺香港動植物公園噴水池平台花園舉行，市民可於3點半免費入場，先到先得；入場者要量體溫同掃描「安心出行」，並保持適當社交距離。

市民當日可欣賞音樂事務處嘅弦樂小組、中樂敲擊樂合奏、琵琶齊奏及薩克管（色士風）四重奏、青年合唱團獻唱、《聲夢傳奇》歌手演唱及沙畫藝術表演。

香港動植物公園150周年仲有好多精彩慶祝活動，包括綠化及保育專題講座，12月26日仲有聖誕嘉年華。