營養師醒你消暑妙法！煲定羅漢果水、薏米水放雪櫃 出街外攜隨時飲
夏天熱辣辣，有什麼消暑妙法？香港營養師學會（HKNS）認可營養師李杏榆分享個人心得表示，會在家煲羅漢果水及薏米水，放在雪櫃，方便在家或帶出街喝，消暑又健康。李杏榆稱，羅漢果水潤喉無糖而且近乎零熱量，以3至4個乾羅漢果，加約8公升水煲；薏米水高鉀，有助祛濕去水腫，她會在超市或街市買一包生熟薏米（約一碗分量），加約8公升水煲，如想加甜味可加少許冰糖或片糖。羅漢果水及薏米水煲滾待涼後即可飲用，喝不完可放進雪櫃。
留意倘味道變酸或有泡 可能已變壞
李杏榆稱，一般羅漢果水及薏米水放雪櫃可存放兩日，不過要留意飲用時倘發現有酸味，或入樽放雪櫃後開蓋時發現有氣泡，或有可能已變質。羅漢果水和薏米水一般適合大人及3歲以上小朋友飲用。李杏榆補充，羅漢果水相對溫和，如果怕羅漢果太涼，可以加少許圓肉、杞子或紅棗泡茶飲用；薏米水高鉀，腎病病人或正服食利尿藥物的人慎飲。
相關文章：【小滿】濕氣重易誘皮膚病、嗜冷傷脾胃 5種黃色食物 助強健脾胃
文：何芍盈
