【外賣精選】有營便當、5星級美食、英式Pizza 抗疫都可以食餐好

【明報專訊】很多人討厭吃外賣皆因高鹽高脂，也不環保，但只要識揀，一樣可以吃得有營。提倡健康飲食的The Big Things Bento精心配搭近10款便當，由選材至調味，都根據人體每日所需的營養來設計，多菜少肉，搭配彩虹飲食（從不同顏色蔬果攝取多種維他命），好睇又好味。便當的款式亦多，有中有西，亦加入亞洲元素，好似韓式石燒牛、印度咖喱豆、泰式牛肉、香茅雞等，餐餐食，也不會厭。

食材方面，嚴選可持續發展產品：新西蘭草飼牛肉、挪威海洋養殖三文魚、丹麥無添加激素及無抗生素雞肉和豬肉，就連包裝亦使用生物降解的外賣盒，用後可自然分解，不會加重地球負擔。每份便當可配雜穀飯或椰菜花飯，而招牌「十二野菜便當」更選用日本越光米，可因應個人口味，自由搭配，達至均衡營養。除了堂食和外賣自取，現逢周一至五亦提供外賣送餐服務，涵蓋中環、金鐘、鰂魚涌及荃灣商業區（其他特定送餐區域將不時更新），想知多點可以瀏覽www.thebigthingskitchen.com/tbt-bento網站，詳列每個便當的成分、營養及所提供的熱量，減肥人士也可以無罪惡感地安心享用。

午餐歎5星級美食

疫症之下，生意難做，就連5星酒店也不例外。位於金鐘的香港JW萬豪酒店旗下3間餐廳，亦推出外賣優惠及速遞服務。糅合傳統及創新烹調粵菜的萬豪金殿，大廚擅長以龍蝦、花膠等矜貴食材炮製粵式滋味。一於善待自己，及時行樂，訂碗天籽蘭花響螺燉花膠（＄248），再加蟹肉雲勝魚湯稻庭麵（$138）當午餐，不知會否招來妒忌？

不喜歡中菜，JW咖啡室和Dolce 88亦有好選擇。前者供應多款國際美饌，如JW牛肉芝士煙肉漢堡、海南雞飯、印尼炒飯、炭燒美國安格斯肉眼扒等，由西餐至東南亞美食，一應俱全。又或者想吃得簡單點，可試試Dolce 88的外賣午餐選擇：番茄芝士薄餅、鹽醃牛腩三文治、配碗蘑菇湯，花費大約$100，簡單美味。現凡消費滿$3000或以上，即享港島區內免費送遞服務，如外賣自取則享七折優惠，訂購5份以上午餐，更可享金鐘區內免費送餐。

英式滋味最啱懶人

馬莎的零食，陪伴不少白領OT趕project、通宵開會度橋，今時今日要home office，是否也戒不掉三點三冲杯咖啡歎件茶餅鬆一鬆的習慣呢？不方便上街的日子，原來只要掏出手提電話，用App一樣可以訂齊馬莎名物。這個新推出的流動應用程式，有近2000種產品可供選購：王牌小食、食材、得獎佳釀……應有盡有。喜歡煮西餐的朋友，更加不能錯過，精挑多款肉類、魚類、奶製品和蔬果，當中所有牛肉，無論是西冷還是千層麵內的免治牛肉，全部可追蹤來源農場和批次，食得安心。如自問不是煮得之人，買定懶人急凍速食，也有備無患。焗芝士通粉（$59）、香草蒜蓉包（$29）、兒童pizza（$29，圖）……全部放入焗爐就有得食，加多包橡木煙蘇格蘭三文魚（$99），10分鐘就做好豐富消夜。

除了食物，就連寵物食品、個人護理產品、家居清潔用品都可以一站式訂到，非常方便。全新用戶首次落單，有$100折扣，買滿$1000可以免費送貨，每日下午4時截單，翌日已可收貨。

■The Big Things Bento
地址：荃灣白田壩街45號 南豐紗廠（The Mills）2樓204號舖

■香港JW萬豪酒店
地址：金鐘道88號太古廣場
查詢：2810 8366

■Marks & Spencer
M&S Hong Kong流動應用程式可於App Store和Google Play商店免費下載