【母親節禮物】向不一樣的媽媽表謝意 10款DIY禮物：氣炸鍋白鱔、雙人運動、心思手作仔 各適其適
在疫情下要深思母親節禮物，是否更加傷腦筋呢？送手袋、送花，似乎未必啱自己媽媽的心水……世上媽媽千百種，性格喜好各有不同，有「為食」型的、有追求健康型，還有講求心思型和實際型的，不如參考以下各路專家提供的 10 款DIY禮物，例如親身上陣來一個氣炸鍋白鱔、落手落腳做雙人運動、心思手作仔禮物……為不一樣的媽媽送上窩心和創意，各適其適！
相關文章：
【母親節禮物大放送】讓媽媽「Be a Queen」度周末 期間限定優惠入住精品酒店（五月適用）
【母親節禮物大放送】G.H. Mumm 母親節送上玫瑰色的驚喜 名牌香檳 X 米芝蓮餐飲
為食型媽媽
不少媽咪都「好為食」，如果肯為她多花點心思親自下廚，相信就更加受落。不妨試下以下幾款菜式，總有一款啱口味！
「蒜烤白鱔」聽起來難度頗高，但是其實只要用氣炸鍋，就可以輕鬆煮好！等王子教你如何僻腥、去潺，就算是入廚新手都可以「一Take Pass」！
最近「400次咖啡」風靡一時，不少人都在家中試過自行炮製。但是400次咖啡始終是屬於高糖飲品，如果要親手炮製給媽媽就要懂得改材料，如用代糖取代砂糖，或用豆奶代替鮮奶，一樣可以「呃like」之餘又唔怕肥！
沒有女生能抵抗甜品的魅力，就連為食型的媽咪都不例外。如果想挑戰製作甜品，不妨跟烹飪達人Cherry學做人氣爆燈的巴斯克焦香芝士蛋糕、冧酒提子麥片曲奇和「1000次梳乎厘奄列」啦！
高貴型媽咪平時食開英式High Tea？一樣無問題，自製鬆餅、紅菜頭魔鬼蛋、finger foods其實唔難，加杯Earl Grey茶，足不出戶都可以跟媽咪一齊歎個Elegant的下午茶！
健康型媽媽
尤其是不少媽媽都要辛勞兼顧內外事務，腰痠背痛難免，不妨學學物理治療師Horlick，抽15分鐘跟媽媽一起做4招簡單的雙人運動。透過活動關節、強化肌肉來改善身體痛症，子女亦可當做預防痛症的運動。
成日翹腳或會引起盆骨及肌肉不正、膝痛、坐骨神經痛、腰骨痛等等問題，不如同媽咪一齊睇片，跟Barry Sir 學4招訓練動作，合力踢走「痛症全餐」！
心思型媽媽
「講心唔講金」的心思型媽咪，不愛包包、不愛現金劵，反而更喜愛子女親手製作的Handmade 禮物。就算不是名牌，又有瑕疵，一樣都是媽咪的心頭好。
與其在花店現成買一束花，不如一試身手在家中睇直播學插花！有花店開辦了母親節網上花藝班，只要預先訂好材料包，準時打開電腦「上課聽書」，便能安坐家中，跟花藝師做出理想的花作。
疫情期間未必能跟媽咪上酒樓飲茶，8歲的小妹妹就想到運用輕黏土為媽咪捏出「一盅兩件」的小點心，燒賣、蝦餃、小豬奶黃包一應俱全，小朋友的創意心思，你都做得到！
一條鋁線可以有幾多可能性？只要發揮創意，就算是小小的鋁線都可以變成可愛貓咪書籤！小朋友不妨趁母親節，親手為媽咪扭出窩心、可愛小書籤！
實際型媽媽
你的媽咪始終喜歡收到實際的禮物？甚至最好是自選心水禮品？不妨多留意媽咪的需要，齊齊登入網上商店，便可以為她挑選合適的禮物，點點心意同樣令她甜在心頭！
